ამ ნაშრომში განხილულია ორი პრობლემა ძველი ქართული სამყაროს წარსულიდან. პირველი მათგანი ეხება ძველ ეგვიპტურ ღვთაება თ ო თ ი ს ა და ქართული წარმართული მ თ ვ ა რ ი ს ღვთაების ურთიერთდამოკიდებულების საკითხს. განიხილავს რა პირველწყაროების მასალასა და სამეცნიერო ლიტერატურის მონაცემებს ამ საკითხის ირგვლივ, ავტორი მიდის იმ დასკვნამდე, რომ აღნიშნული ღვთაების სახელი (თოთი) ძველ ეგვიპტელებს შეთვისებული უნდა ჰქონდეთ ქართული სამყაროდან, შავი ზღვის სანაპიროზე მოსახლე ძველ ქართველ ტომებთან ურთიერთობის გზით. მეორე პრობლემა ეხება გამოჩენილი კაპადოკიელი მოღვაწეების ბასილი კესარიელისა, გრიგოლ ნაზიანზელისა და გრიგოლ ნოსელის ეთნიკურ წარმომავლობას. აქ ავტორს ჯერ ანტიკური პირველწყარეობის საფუძველზე დადგენილი აქვს, რომ ძველ კაპადოკიაში ქართველი ტომები მოსახლეობდნენ, ხოლო შემდეგ, ლიტერატურული წყაროებისა და ენობრივი მონაცემების, აგრეთვე ზოგიერთი ისტროიული რეალიების საფუძველზე, - გამოაქვს დასკვნა, რომ ზემოთაღნიშნული მოღვაწენი ქართულ სამყაროს ეკუთვნოდნენ.