"თანამედროვე ფული და ფულის მიმოქცევა" ორიგინალური სახელმძღვანელოა, რომლის ანალოგი შექმნილი არ არის პოსტსოციალისტურ სივრცეში, მიძღვნილია უახლესი ეპოქის ფულის არსისა და მიმოქცევის აქტუალური თეორიული და პრაქტიკული საკითხების განხილვისადმი. თანამედროვე გლობალიზაციის პირობებში ფულის მიმოქცევის არსისა და მართვის პრობლემები სწრაფ ცვლილებებს განიცდის. XXI საუკუნის გარიჟრაჟზე მნიშვნელოვანი წარმატებები და სიახლეები იქნა მიღწეული არა მარტო ზოგადად ფინანსების, ფულისა და ბანკების თეორიისა და პრაქტიკის საკითხებში, არამედ ფულის არსისა და მიმოქცევის ურთიერთობებში, რომელთა შორის განსაკუთრებული მნიშვნელობა ენიჭება ფულის მიმკქცევას მსოფლიოს ნებისმიერი ქვეყნის ეროვნული შემოსავლის გადიდების და ეკონომიკური ძლიერების მიღწევისთვის ბრძოლაში. სწორედ ამ პრობლემების დაძლევამ უნდა მისცეს სტიმული ქვეყნისა და ფინანსური სამსახურების მესვეურებს, დროულად და საგნობრივად შეიმუშაონ ფინანსების სტრატეგიული საკითხების მოწესრიგების პროგრამა. წინამდებარე სახელმძღვანელოს - თანამედროვე ფული და ფულის მიმოქცევის" მიზანია დახმარება აღმოუჩინოს სტუდენტ-ახალგაზრდობას ფინანსების სფეროში ოპტიმალური გადაწყვეტილებების მიღებაში. ფულის მიმოქცევის ურთულესი საკითხების მოგვარებასა ადა ფულის როლის შესწავლაში.სახელმძღვანელოში უპირატესად განიხილება ფულად ურთიერთობათა სამი ძირითადი სფერო: თანამედროვე ფულის თავისებურებები, ფულის მიმოქცევა და ინფლაცია."თანამედროვე ფული და ფულის მიმოქცევა" გამოსაცემად მოამზადეს ეკონომიკურ მეცნიერებათა დოქტორმა, პროფესორმა რევაზ კაკულიამ, ეკონომიკის დოქტორმა, პროფესორმა ლელა ბახტაძემ და თბილისის საერთაშორისო უნივერსიტეტის რექტორმა, პროფესორმა ლაშა კანდელაკიშვილმა.