თანამედროვე ბურჟუაზიული ფილოსოფია თუმცა ცდილობს ახალი გაგრძელება და დაფუძნება მოუნახოს კლასიკური იდეალიზმის სხვადასხვა ფორმებს, მაინც თავისი შინაარსით უშუალოდ ასახავს და ავლენს იმ ღრმა ინტელექტუალურ კრიზისს, რომელმაც მოიცვა დღევანდელი კაპიტალისტური სამყარო. კაპიტალიზმის პირობებში ადამიანთა უიმედო მდგომარეობა ხშირად შეფასებულია ბურჟუაზიული ფილოსოფოსების მიერ, როგორც საკაცობრიო გარდუვალი უბედურება. კრებულის ავტორები აჩვენებენ, რომ ამ ფილოსოფოსთა ნააზრევში ამოიკითხება მხოლოდ კაპიტალისტურ ურთიერთობათა განწირულობა; ნათელ, იმედიან გზას ადამიანთა მომავლისათვის კვალავს მხოლოდ მარქსისტულ-ლენინური ჰუმანიზმი, სოციალისტური ბანაკის მიღწევების სულ უფრო მზარდი ავტორიტეტი.