ფოტო გადაღებულია 2016 წელს.

ვაჟა კიკნაძე (1952-) - დაამთავრა თბილისის სახელმწიფო უნივერსიტეტი 1976 წელს. 1976 წლიდან იყო ივანე ჯავახიშვილის სახელობის ისტორიისა და ეთნოლოგიის ინსტიტუტის უფროსი ლაბორანტი, 1980–1986წწ. უმცროსი მეცნიერ თანამშრომელი, 1986–1988წწ. მეცნიერ თანამშრომელი, 1988–2005წწ. უფროსი მეცნიერ თანამშრომელი, 2006 წელს დირექტორის მოვალეობის შემსრულებელი, 2007 წლიდან არის ამავე ინსტიტუტის არჩეული დირექტორი. არის ავტორი მონოგრაფიებისა: "საქართველო XIV საუკუნეში"(1989); "ალექსანდრტე ამილახვარი – ბრძენი აღმოსავლეთისა"(1997); "ცხოვრება და ღვაწლი ეპისკოპოს პეტრე კონჭოშვილისა"(2003). ასევე არის ავტორი სტატიისა "ლათინური წყარო XIV ს. საქართველოს ისტორიის შესახებ"(1983). საკანდიდატო დისერტაციის თემა – "საქართველოს პოლიტიკური მდგომარეობა XIV საუკუნის I ნახევარში", დაიცვა 1986 წელს. სადოქტორო დისერტაციის თემა – "ეროვნული და საკაცობრიო პრობლემატიკა მე–19 საუკუნის ქართველი სასულიერო მოღვაწეების შეოქმედებაში", დაიცვა 2005 წელს.