ფოტო გადაღებულია 2016 წელს.

თემურ ნანეიშვილი (1940 - ) -ბიოლოგი, ბიოლოგიურ მეცნიერებათა დოქტორი, საქართველოს მეცნიერებათა ეროვნული აკადემიის აკადემიკოსი (2013-), საქართველოს მეცნიერებათა ეროვნული აკადემიის ვიცე-პრეზიდენტი (2013-). დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1963 წელს. 1963-1966წწ. საქართველოს მეცნიერებათა აკადემიის ი. ბერიტაშვილის სახელობის ფიზიოლოგიის ინსტიტუტის ასპირანტი; 1966-1971წწ. ამავე ინსტიტუტის უმცროსი მეცნიერ-თანამშრომელი; 1971-1985წწ. უფროსი მეცნიერ-თანამშრომელი; 1985-2006წწ. ამავე ინსტიტუტის მეხსიერების ნეიროფიზიოლოგიის ლაბორატორიის გამგე; 2000-2006წწ. ფიზიოლოგიის ინსტიტუტის დირექტორი და სამეცნიერო საბჭოს თავმჯდომარე; 2000-2006წწ. სადისერტაციო საბჭოს თავმჯდომარე; 2006-2010წწ. აკაკი წერეთლი სახელობის სახელმწიფო უნივერსიტეტის სრული პროფესორი; 2010 წლიდან საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის სრული პროფესორი, ნეირობიოლოგიის მიმართულების ხელმძღვანელი. სხვადასხვა წლებში "საქართველოს ნეირომეცნიერთა ჟურნალის" მთავარი რედაქტორი, მეცნიერებათა აკადემიის ჟურნალ "მაცნეს - სერია ბიოლოგიურის" მთავარი რედაქტორის მოადგილე. სამეცნიერო ინტერესების სფერო: ექსპერიმენტული ნეიროფსიქოლოგია, ნეიროფიზიოლოგია და ელექტროფიზიოლოგია. 5 მონოგრაფიის, მათ შორის 2 სასწავლო სახელმძღვანელოს და 130 სამეცნიერო პუბლიკაციის ავტორი. საკანდიდატო დისერტაცია დაიცვა 1967 წელს; სადოქტორო დისერტაცია დაიცვა 1986 წელს.