ნაშრომი ერთ–ერთი პირველი სამეცნიერო მონოგრაფიული გამოკვლევაა, რომელიც ეხება საქართველო–ევროკავშირის სავაჭრო–ეკონომიკურ ურთიერთობებსა და პერსპექტივებს. გაანალიზებულია ევროკავშირის ადგილი, როლი, და მნიშვნელობა საქართველოს საგარეო ეკონომიკურ ურთიერთობებში. განხილულია ევროპული ინტეგრაციის მოკლე ისტორია, ევროკავშირის ინსტიტუტები, ევროკავშირის წევრი ქვეყნები, საქართველო–ევროკავშირის სავაჭრო–ეკონომიკური ურთიერთობების ჩამოყალიბებისა და განვითარების მნიშვნელოვანი პროცესები, საქართველო–ევროკავშირის სავაჭრო–ეკონომიკური ურთიერთობების სამართლებრივი საფუძვლები, საქართველო–ევროკავშირის სავაჭრო–ეკონომიკური ურთიერთობების თანამედროვე მდგომარეობა და არსებული პრობლემების გადაწყვეტის ძირითადი ტენდენციები, საქართველო–ევროკავშირის საფინანსო–საკრედიტო ურთიერთობები, ევროკავშირის პირდაპირი უცხოური ინვესტიციები საქართველოს ეკონომიკაში, საქართველო–ევროკავშირის ჰუმანიტარული და ტექნიკური ურთიერთობები და საქართველოში განხორციელებული ევროკავშირის ძირითადი პროექტები. შემოთავაზებულია მხარეებს შორის სავაჭრო–ეკონომიკური ურთიერთობების განვითარებისა და სრულყოფის წინადადებები გლობალიზაციის პირობებში. ნაშრომი განკუთვნილია საქართველო–ევროკავშირის სავაჭრო–ეკონომიკური ურთიერთობების საკითხებით დაინტერესებულ მკითხველთა ფართო წრისათვის.