სალექციო კურსი მოიცავს ფინანსური ანალიზის ძირითად თემებს. მასში განხილულია ფინანსური ანალიზის მეთოდიკა, რის საფუძველზეც შესაძლებელია კომპანიათა ფინანსური მდგომარეობის ობიექტური შეფასება და მათი საქმიანობის ეფექტიანობის ამაღლების ღონისძიებათა დასახვა. დახასიათებულია ფინანსური ანალიზის თანამედროვე მათოდები, ნაჩვენებია მათი შესაძლებლობები და შეზღუდულობანი; მოცემულია ძირითადი ფინანსურ–ანალიტიკური ტერმინებისა და მაჩვენებლების დახასიათება. ასევე წარმოდგენილია ბიზნესის ეფექტიანობის მაჩვენებელთა სისტემა; ბიზნესის ეფექტიანობის შეფასების ტრადიციულ ხერხებთან ერთად, განხილულია გრძელვადიანი ანალიზის მეთოდები, რაც ძირითადად ორიენტირებულია კომპანიის ღირებულების შექმნის შეფასებაზე; გამოყოფილია ის უმთავრესი ფაქტორები, რომლებიც ზემოქმედებს ღირებულებაზე. სალექციო კურსი განკუთვნილია ბაკალავრიატისა და მაგისტრატურის სტუდენტებისთვის. იგი ასევე დახმარებას გაუწევს ბუღალტრული, ფინანსური, ანალიტიკური სამსახურის მუშაკებს, აუდიტორებს, კომერციული ბანკის მუშაკებს, ეკონომიკური და ფინანსური ანალიზის საკითხებით დაინტერესებულ პირებს.