წიგნი ეხება ევროპის კონვენციასთან საქართველოს კანონმდებლობის შესაბამისობის მეტად აქტუალურ პრობლემას და წარმოადგენს ქართველ ექსპერტთა ჯგუფის მიერ ევროსაბჭოს დაკვეთით მომზადებული ანგარიშისათვის ერთ-ერთი წევრის მიერ შესრულებული სამუშაოს სრულ ვარიანტს. წიგნში განხილულია ისეთი უმნიშვნელოვანესი ინსტიტუტები, როგორებიცაა: ევროკონვენციის მე-13 მუხლი - უფლება სამართლებრივი დაცვის ეფექტურ საშუალებაზე (უფლება ეფექტურ ზომაზე), ევროკონვენციის I ოქმის პირველი მუხლი - საკუთარი ქონებით დაუბრკოლებელი სარგებლობის უფლება (ქონების დაცვა), I ოქმის მე-3 მუხლი - თავისუფალი არჩევნების უფლება და მე-7 ოქმის მე-3 მუხლი - კომპენსაცია მცდარი მსჯავრდებისათვის . ევროპის სასამართლოს გადაწყვეტილებათა საფუძველზე დეფინიციათა არსის ახსნასთან ერთად, წიგნში მოცემულია აღნიშნულ უფლებებთან მიმართებაში საქართველოში არსებული ვითარების კრიტიკული ანალიზი, შემოთავაზებულია კონკრეტული წინადადებები ევროსტანდარტების შესაბამისად კანონმდებლობის შემდგომი სრულყოფისათვის და ადამიანის უფლებათა დაცვის შიდასახელმწიფოებრივი საშუალებების ეფექტურობის ასამაღლებლად.