1918 წელს გაიხნა კავკასიაში პირველი უნივერსიტეტი. ქართული საგანმანათლებლო ტრადიციების გათვალისწინებით, საფუძველი ჩაეყარა საქართველოში ევროპული ტიპის უმაღლეს სკოლას. ივანე ჯავახიშვილის სახელობის თბილისის სახელმწიფო უნივერსიტეტი ლიდერია დღესაც - თავისი მასშტაბითა და სწავლების ხარისხით: უნივერსიტეტის 6 ფაკულტეტზე (ზუსტ და საბუნებისმეტყველო მეცნიერებათა, ჰუმანიტარულ მეცნიერებათა , სოციალურ და პოლიტიკურ მეცნიერებათა, ეკონომიკისა და ბიზნესის, მედიცინის, იურიდიული ფაკულტეტები) . სწავლობს 20000-ზე მეტი სტუდენტი; მუშაობს 5227 თანამშრომელი, თსუ შემადგენლობაში შედის 16 სამეცნიერო ინსტიტუტი, ასევე ფაკულტეტებზე არსებობს სხვადასხვა მიმართულების კვლევითი ინსტიტუტები და ცენტრები; თსუ აქვს უნიკალური ფონდების მქონე ბიბლიოთეკა და მუზეუმი.