კახა ჯავახიშვილი (1915-1987) - ინჟინერი, არქიტექტორი. ივანე ჯავახიშვილის და ანასტასია ჯამბაკურ-ორბელიანის ვაჟი. დაამთავრა ს. კიროვის სახელობის ამიერკავკასიის ინდუსტრიული ინსტიტუტი 1936 წელს. 1945-1954 წწ. იყო აჭარის ასსრ სახალხო კომისარიატთა საბჭოსთან (შემდგომში მინისტრთა საბჭოსთან) არსებული არქიტექტორთა (შემდგომში არქიტექტურისა და მშენებლობის) სამმართველოს უფროსი, ბათუმის მთავარი არქიტექტორი. მისი ნამუშევრებია: ბათუმში - საზაფხულო თეატრი (1949, ბ. კირაკოსიანთან ერთად), რევოლუციის სახალხო მუზეუმი (1955); თბილისში - საქართველოს სსრ მეცნიერებათა აკადემიის ფიზიკის ინსტიტუტი (60-იანი წწ.), საქართველოს ქალაქების გენერალური გეგმები (ბათუმი, ქობულეთი, სამტრედია და სხვა ავტორთა კოლექტივებთან ერთად).