ალექსანდრე (ლალი) ჯავახიშვილი (1917-1997) - არქეოლოგი, ხელოვნებათმცოდნე, საქართველოს მეცნიერებათა აკადემიის წევრ–კორესპონდენტი (1983). ისტორიის მეცნიერებათა დოქტორი (1976). ვარძიის მუზეუმ– ნაკრძალის მეცნიერ თანამშრომელი (1942), 1943–იდან მუშაობდა ს. ჯანაშიას სახელობის საქართველოს სახელმწიფო მუზეუმში (1948–52 იყო სწავლული მდივანი, 1952–54 – ისტ.–არქეოლ. განყოფილების გამგე; 1954–56 – უფროსი მეცნიერ თანამშრომელი, 1956–იდან – ფეოდალურამდელი ხანის საქართველოს მატერიალური კულტურის ისტორიის განყოფილების ხელმძღვანელი, 1973–იდან – დირექტორის მოადგილე სამეცნიერო ნაწილში). არაერთი სამეცნიერო ნაშრომის ავტორი. დიდი ქართველი მეცნიერის, ივანე ჯავახიშვილის შვილი.