ტრისტან მახაური (1959-2018) - მწერალი, მეცნიერი, ფოლკლორისტი; ივანე ჯავახიშვილის სახელობის თბილისის სახელმწიფო უნივერსიტეტის პროფესორი, ასევე იყო თსუ-ს ჰუმანიტარულ მეცნიერებათა ფაკულტეტის სადისერტაციო საბჭოს წევრი. 1978-1984 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტზე. პირველი ნაშრომი, „მესტვირეობის ტრადიცია ფშავში“ გამოაქვეყნა 1981 წელს ჟურნალ „ცისკრის“ მე-4 ნომერში. გამოქვეყნებული აქვს ფოლკლორულ-ეთნოგრაფიული და ლიტერატურულ-კრიტიკული ხასიათის წერილები, რეცენზიები, ნარკვევები, საკუთარი ლექსები, თარგმანები. ტრისტან მახაური გარდაიცვალა 2018 წლის 4 იანვარს. დაკრძალულია სოფელ გომეწრის სასაფლაოზე.

ტოგო ჭელძე - დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, იურიდიული ფაკულტეტი, სპეციალობა - სამართალმცოდნე; საქართველოს ადვოკატთა ასოციაციის წევრი; ოზურგეთის მუნიციპალიტეტის საკრებულოს მთავარი სპეციალისტი იურიდიულ საკითხებში; იურიდიულ-აუდიტორული ფირმა სპს "თოიძე, კომპანია და პარტნიორები", იურისტი; მეწარმეთა საკონსულტაციო ცენტრის ხელმძღვანელი; მასმედიისა და საზოგადოებრივი კომუნიკაციების ინსტიტუტის იურიდიული სამსახურის უფროსი, ლექტორი; მასმედიისა და საზოგადოებრივი კომუნიკაციების ინსტიტუტი; დირექტორის მოადგილე; ოზურგეთის რაიონული სასამართლო, მთავარი სპეციალისტი; ივანე ჯავახიშვილის სახელობის სახ. უნივერსიტეტი, სტუდენტთა და ასპირანტთა სამეცნიერო საზოგადოების თავმჯდომარე; სტუდენტური ორგანიზაცია „ახალგაზრდული განვითარების ცენტრი"-ის დამფუძნებელი; სოციალური კვლევის, ანალიზისა და კონსულტაციის ცენტრის თავმჯდომარე.