ტფილისის სახელმწიფო უნივერსიტეტი, მისი არსებობის ისტორიაში, ზეიმობს უდიდეს გამარჯვებას, ახალ კვალიფიცირებულ კადრების ეკონომისტების, იურისტების, ისტორიკოსების, საკმაოდ რაოდენობით გამოშვების გამო, რომელთა მიერ სადიპლომო შრომის დაცვა და მისი საჯაროდ განხილვა პირველი შემთხვევაა უნივერსიტეტის არსებობის ისტორიაში. ტფილისის უნივერსიტეტი, როგორც უმაღლესი სამეცნიერო სასწავლო დაწესებულება, მოწოდებულია აღზარდოს არა მარტო მაღალი კვალიფიციური პედაგოგიური კადრები, არამედ მთელ რიგ დარგთა პრაქტიკულ ოპერატიული მუშაკები. 1935–36 წელი უნივერსიტეტის ცხოვრებაში არის სწრაფი აღმავლობის და წინსვლა–განმტკიცების წელი. გაუმჯობესდა სწავლის ხარისხი. ამის შედეგია, რომ დღეს უნივერსიტეტი სამ ფაკულტეტზე: ისტორიულ, ეკონომიურ და სამართლისა, უშვებს ექვსასამდე სტუდენტს.