დღეს სახელმწიფო უნივერსიტეტი სახელმწიფოს აძლევს 600 უმაღლეს დამთავრებულს ამხანაგს. ეს პირველი შემთხვევაა უნივერსიტეტის არსებობის ისტორიაში, რომ დიპლომები დაეწერათ სტუდენტებს და დაეცვათ საჯაროდ. უნივერსიტეტის მუშაობა მთლიანად გარდაიქმნა ჩვენი ბელადის საპროგრამო დავალებათა საფუძველზე, რადგან „ახლა კადრები წყვეტენ ყველაფერს“ დიპლომანტებს მიეცა საშუალება, რომ უკანასკნელი ერთი წელი მათ ემუშავათ დამოუკიდებლად და ყოლოდათ სათანადო ხელმძღვანელები კონსულტანტებად. აღსანიშნავია, რომ ჩვენი პარტიის წევრების, დიდმა ნაწილმა გაამართლა სტალინის მითითება რომ „კომუნისტურ სტუდენტებს უნდა შეეძლოთ პოლიტიკური მუშაობის, მეცნიერების დაუფლების საქმესთან შეთავსება“ საბოლოოდ უნდა ითქვას, რომ დიპლომანტების გამოშვების საქმეს დადებით მუშაობასთან ერთად, ახასიათებდა ნაკლიც, რომ ჩვენი დიპლომანტების ნაწილმა რუსული ენა კარგად არ იცის. უნივერსიტეტის ხელმძღვანელობამ უნდა გააძლიეროს რუსული ენის შესწავლის საქმე სტუდენტებს შორის. საჭიროა აგრეთვე, დღეს, უნივერსიტეტიდან სახალხო მეურნეობის სხვადასხვა უბნებზე სამუშაოთ მიმავალ ამხანაგებთან უნივერსიტეტმა განახორციელოს ყოველღიური კავშირი.