ეხლახან ჩატარებული საზამთრო სესიები გვიჩვენებენ, რომ სწავლის ხარისხის ამაღლების მიზნით, ნიშანთა შორის შესამჩნევლად ჭარბობს დამაკმაყოფილებელი. ლიბერალიზმთან ბრძოლამ ნიშნის დასმის საკითხში გამოიღო ის ნაყოფი რომ პედპორსონალმა მოთხოვნები წაუყენა სტუდენტებს და მეტი ობიექტურობა გამოიჩინა ნიშნის დასმაში, მაგრამ ეს უფრო მეტად გვავალებს ფართოდ გაიშალოს ბრძოლა სწავლის ხარისხის აწევისათვის.დიპლომანტებთან მუშაობამ, დიპლომების წერისა და მათი დაცვის ორგანიზაციის მოწყობამ დიდი გამოცდილება მისცა უნივერსიტეტს. ეს გამოცდილება უსათუოდ შეუწყობს ხელს ახალ დიპლომანტებთან მუშაობის გაუმჯობესებას. გამომდინარე პირველი სემესტრის შედეგებიდან ჩვენ უკეთ მომზადებული ვხვდებით მეორე სემესტრს. მეორე სემესტრში შეტანილი ცვლილებანი სასწავლო პროცესში მოითხოვს მთელი რიგი საგნების ჯგუფურ დამუშავებას. საჭიროა გაძლიერდეს ბრძოლა ლექტორთა მიერ ლექციების უმიზეზოდ გაცდენის წინააღმდეგ. კათედრის ყურადღების გამახვილებას მოითხოვს პროგრამის შედგენის საკითხი. ეკონომიურ ფაკულტეტში შემავალ დისციპლენათა დიდი რაოდენობა სოციალ–ეკონომიური ხასიათისაა. პროგრამა განსაკუთრებით ასეთ დისციპლინებში მოითხოვს, რომ იქ მოცემული მასალა მაღალ თეორეტიულ დონემდის იყოს აყვანილი დამუშავება და გაშუქება იმ ძვრებისა, რომელითაც მდიდარია ჩვენი სოციალური მეურნეობა. ამავე დროს საჭიროა პროგრამისა და სწავლების სიწმინდისათვის გამოვიჩინოთ ის შეტევითი რევოლუციონური სიფხიზლე, რომელსაც გვასწავლის ამხ. ბერია.