მიმდინარე სამოსწავლო წლის დასაწყისში მოხდა ზოოლოგიის კათედრის მუშაობის საფუძვლიანი გადახალისება.მოწვეულ იქნენ ახალი ძალები (დოცენტები: როსტომბეგოვი, ჩხიკვიშვილი, ბურჯანაძე, ჭავჭანიძე) გადამუშავებული იქნა პროგრამები, შემოღებული იქნა ახალი საგნები, როგორც არის სარეწაო ცხოველთა ბიოლოგია, სისტემატიკა. კათედრა გადატანილი იქნა მე–3 კორპუსში,სადაც შესაძლებელი გახდა მუზეუმისა და აუდიტორია–ლაბორატორიების შესაფერისად მოწყობა.განსაკუთრებული ყურადრება ჰქონდა მიქცეული სწავლის მეთოდიკას. ქართულ ენაზე აქამდის არ მოიპოვებოდა სახელმძღვანელო,ამიტომ კათედრა თარგმნის რუსულიდან 2 სახელმძღვანელოს, მუშავდება ზოოლოგიური ტერმინები.ასპირანტების მომზადების საკითხში წარსულში კათედრას გარღვევა ჰქონდა.ამჟამად ასპირანტებისათვის დამუშავებულია ინდივიდუალური გეგმები გამოყოფილია მათთვის ოთახი, სადაც კათედრა ისმენს ასპირანტების ხელმძღვანელისა და თვით ასპირანტების მოხსენებებს. კათედრას კავშირი აქვს სამეცნიერო დაწესებულებებთან (ზოოპარკი, საქ. მუზეუმი) კათედრა ჩაბმულია სოცშეჯიბრში, კონკურსში და კათედრის წევრებთან ეწევა შესაფერ პრომუშაობას. ცხადია, კათედრას ჯერ კიდევ ბევრი ნაკლი აქვს, და ამაში უნდა დაეხმაროს კათედრას რექტორატი, დეკანატი, უნივერსიტეტის სხვადასხვა ორგანიზაციები და თვით თანამშრომლები.