მონოგრაფიაში შემოთავაზებულია ლაფერ-კეინზიანური სინთეზის და მისი შესაბამისი მაკროეკონომიკური წონასწორობის მოდელი, რომელშიც ერთობლივი მოთხოვნის ფუნქცია კეინზიანურ პრინციპებს, ერთობლივი მიწოდების ფუნქცია კი ლაფერის პოსტულატებს ეფუძნება. აღნიშნული მოდელის ანალიზის საფუძველზე ნაჩვენებია, რომ მხოლოდ ოპტიმალური საშუალო საგადასახადო განაკვეთის შემოღებას, თავისთავად, არ შეუძლია სრული დასაქმების შესაბამის წონასწორობაში გადასვლის ინიცირება ან ბიუჯეტში მაქსიმალური საგადასახადო შემოსავლების მობილიზება. ლაფერ-კეინზიანური სინთეზის პირობებში ეკონომიკური აქტიურობის ამაღლებაში და სრული დასაქმების მიღწევაში მნიშვნელოვან როლს, დაბეგვრის რეჟიმთან ერთად, ერთობლივი მოთხოვნა ასრულებს.წიკნი მეცნიერ-ეკონომისტებისა და პრაქტიკული მუშაკებისათვის, ეკონომიკური პროფილის უმაღლესი სასწავლებლის აკადემიური პერსონალისა და სტუდენტებისათვისააა განკუთვნილი. იგი საინტერესო იქნება ეკონომიკური კანონზომიერებებით დაინტერესებულ მკითხველთა ფართო წრისათვის.