წიგნი-ალბომი ,,ფული საქართველოში" მეტად მნიშვნელოვანი გამოცემაა როგორც ზოგადსაკაცობრიო-ისტორიული,ისე ესთეტიკური თვალზასრისით,მასში თავმოყრილი მდიდარი მასალა საშუალებას გვაძლევს გავაცნოთ მსოფლიოს ჩვენი ქვეყნის ისტორიული ფასეულობა,რაც საქართველოს სახელმწიფოებრიობის დასტურიცაა. წიგნ-ალბომში ახლებურადაა დასახული ფულის ისტორიის ეროვნული-პოლიტიკური და კულტურულ- საგანმანათლებლო მნიშვნელობა,მასში წარმოდგენილია ჩვენი ქვეყნის ფასდაუდებელი საგანძურის ნიმუშები,რომლებიც ჩვენი წინაპრების ძალაუფლებასა და სიმდიდრეს წარმოაჩენს..იგი ერთგვარი სარკეა ისტორიული მოვლენებისა,რადგან ნათლად ასახავს სხვადასხვა ეპოქაში საქართველოს სახელმწიფოს ძლიერებას მის დასუსტებას და კვლავ აღზევებას.წიგნში საინტერესოდ გაშუქებული ფულის ისტორია საშუალებას გვაძელვს ახალი კუთხით მივუდგეთ ჩვენი ქვეყნის განვითარების ფაქტებსა და მოვლენებს,უფრო ნათლად დავინახოთ დროთა თაბრუდამხვევ ტრიალში რა როლი ენიჭებოდა საქართველოს სხვა სახელმწიფოებთან ურთიერთობისას რა გავლენას ახდენდა იგი მათზე ან ტავდ როგორ განიცდიდა მათ ზემოქმედებას. საინტერესოა თითოელი მონეტისა და ბანკნოტის ისტორიული ღირებულება,მხატვრული დონე და მათი თავმოყრა ალბომში ამგვარი სახით. ფული პოლიტიკურ-ეკონომიკური დატვირთვის მქონე ხელოვნების ნიმუში და სახელმწიფოებრის საფუძველია,რომელიც თავისი წარსულით,აწყმოთი და მომავლით ქვეყნის განვითარების საქმეში ერთიანობის, სიძლიერისა და სიმდიდრის სიმბოლოდ გვევლინება.წიგნი-ალბომი საქართველოს ეროვნული ბანკის პირველი მნიშვნელოვანი ნაბიჯი და ერთგვარი დასაწყისია იმ ღონისძიებებისა, რომლებიც დაგეგმილი აქვს მას სამომავლოდ საქართველოს სამიათასწლოვანი სახელმწიფოებრიობის და ქრისტესშობის 2000 წლის თარიღის აღნიშვნასთან დაკავშირებით. ეს წიგნი, ვფიქრობ, მეტად საინტერესო იქნება როგორც ნუმიზმატებისა და ისტორიკოსებისათვის, ისე ფართო საზოგადოებისთვისაც.